فوتبال عالمی‌ده‌گی قیزیق بیله‌شوولردن بیری بۉلمیش «اروپا قهرمانلر لیگه‌سی» جاری موسومی‌نینگ گروهی باسقیچده‌گی اۉیین‌لری دوام اېتر اېکن، اۉتکن کېچه هم قیزیق و هیجانلی اۉیین‌لر اۉتکزیلدی.
بو اۉیین‌لر چارچوبه‌سیده اۉتکزیلگن اۉیین‌لردن بیرته مهمی‌ده، اسپانیانینگ بارسلونا فوتبال جماعه‌سی کوتیلمه‌گن نتیجه بیلن ناروی‌نینگ کلوب بروژ فوتبال جماعه‌سی برابریده ۳ – ۳ حسابیده مساوی قیلدی.
شونینگدېک اروپا قهرمانلر لیگه‌سیده بو کېچه، تورکی دولتلر جمله‌سیدن تورکیه، آذربایجان و قزاقستان وکیللری بۉلگن گالاتاسرای، قره‌باغ و غیرت فوتبال جماعه‌لری هم رقیب‌لریگه قرشی میدانگه چیقدی‌لر.
اوشبو اۉیین‌لرده، تورکیه‌نینگ گالاتاسرای فوتبال جماعه‌سی ۳ – ۰ حسابی بیلن آژاکس فوتبال جماعه‌سینی مغلوب اېتدی، آذربایجان‌نینگ قره‌باغ فوتبال جماعه‌سی دنیانینگ ییریک فوتبال جماعه‌لریدن بیری بۉلمیش چلسی فوتبال جماعه‌سی بیلن ۲-۲ حسابیده مساویگه تَن بېردی و قزاقستان‌نینگ غیرت فوتبال جماعه‌سی اېسه ۲ – ۱ حسابی بیلن دنیانینگ کوچلی جماعه‌لریدن بۉلمیش اینتر میلان برابریده مغلوب بۉلدی.
اۉتکن کېچه اروپا قهرمانلر لیگه‌سی دایره‌سیده اۉتکزیلگن باشقه اۉیین‌لرده، منچستر سیتی ۴ – ۱ حسابی بیلن دورتموندنی مغلوب اېتدی و مارسی اېسه ۱- ۰ آتلانتاگه قرشی بای بېردی.
