بیرلشگن ملتلر تشکیلاتی‌نینگ ترقیات دستوری (UNDP) معلوم قیلیشیچه، افغانستانده سل کسللیگی(TB)نینگ بۉییچه تدقیقات یَیره‌لیشی اۉتکزیلگن.
اوشبو تشکیلات یکشنبه ۱۸ – عقرب، اجتماعی ترماق(ایکس) صحیفه‌سی آرقه‌لی یازیشیچه، اۉز همکارلری بیلن بیرگه‌لیکده مملکتده سل کسللیگی (TB) بۉییچه اپیدمیولوژیک ماموریتی عملگه آشیریلگن.
مذکور ماموریتده متخصصلر ملی سل کسللیگینی کوزه‌تیش تیزیملری قنده‌ی ایشلشنی و بو کسللیک افغانستانده قنده‌ی ترقله‌یاتگنینی اۉرگنیشگن.
تشکیلات‌نینگ ایتیشیچه، تدقیقات‌نینگ مقصدی سل کسللیگینینگ نظارت قیلیشنی کوچه‌یتیریش اوچون یخشی‌راق رېجه‌لشتیریش و علمی اساسده قرارلر قبول قیلیش‌گه ضرور معلوماتلرنی تۉپلشدن عبارت دیر.
بیرلشگن ملتلر تشکیلاتی‌نینگ ترقیات دستوری قۉشیمچه قیلیشیچه، بو ایش ایدز، سل و بېزگککه قرشی کۉرش بۉییچه “جهانی جمغرمه” بیلن همکارلیک دایره‌سیده عملگه آشیریلگن بۉلیب، اونینگ مقصدی سل کسللیگینی باشقریشنی یخشیلش و اونینگ مملکت ساغلیغی‌گه تٲثیرینی کمیتیریش‌دیر.
شو بیلن بیرگه، جهان ساغلیقنی سقلش تشکیلاتی(WHO) جاری ییل‌نینگ حمل (مارچ-اپریل) آییده اعلام قیلشیگه کۉره، ۲۰۲۴ ییلده افغانستانده ۵۰ مینگدن آرتیق سل کسللیگی حالتی قید اېتیلگن.
سل؛ بو اساساً اۉپگه تۉقیملرینی ضررله‌یدیگن یوقوملی کسللیک بۉلیب، یۉتل و عکسه اۉریش کبی علامتلر بیلن نمایان بۉله‌دی
