طالبان تشقی ایشلر وزیرلیگی بوگون اېرته‌لب دوشنبه ۱۹ – عقرب، ژورنالیست‌لر بیلن بیانات شریک قیلیب، آلمان‌نینگ بُن شهریده‌گی قونسوللیگی فعالیتی قیته باشلنگنیدن خبر بېردی.
طالبان تشقی ایشلر وزیرلیگی، بوگون دوشنبه‌دن باشلب افغانستان وطنداشلری، قونسوللی خذمتلر اوچون اوشبو دیپلوماتیک نماینده‌لیککه مراجعت قیلیشلری ممکن دېب، بیلدیردی.
طالبان یقین‌ده، بو ییرده افغانستان پاسپورتی چاپ اېتیلیشی باشلنیشینی هم معلوم قیلگن.
ایتیش کېره‌ک که طالبان بوندن ایلگری، بُن شهری شامل دنیا بیر قنچه مملکتلری‌ده‌گی، افغانستان دیپلوماتیک نماینده‌لیکلری ایشلرینی ناقانونی اعلام قیلگن اېدی.
دیمک اوشبو نماینده‌لیکلر، افغانستان سابق حکومتی دیپلوماتلری تامانیدن باشقیریلگنی سبب، طالبان تامانیدن بو قرار آلینگن اېدی.
طالبان بُن شهریده قونسوللی فعالیتلری باشلنگنیدن شوندی بیرحالده خبر بېرماقده دیر که سونگی کونلرده، بو نماینده‌لیک طالبان اختیاریده قۉییلگن خبر قیلینگن.
