جوزجان ولایتیده طالبان خوفسیزلیک قومندان‌لیگی‌نینگ تصدیق‌لشیچه، بو ولایتده ترافیکی بیر حادثه یوز بېریب اهالی‌دن قربانلیک آلگن.
بو حقده نشر اېتیلگن بیاناتگه کۉره، جوزجان ولایتی فیض آباد تومنی‌ده یوز بېرگن بو حادثه‌ده بیر کیشی جان بېرگن و باشقه تۉرت کیشی اېسه یره‌لنگن.
بیر منبع‌نینگ اۉزبېک تی‌وی گه ایتیشیچه، اوشبو واقعه نتیجه‌سیده احمد مسعود ناملی بیر یاش-ییگیت جان بېرگن.
فاریاب ولایتی یشاوچیسی بۉلمیش بو ییگیت طب بیلیملر بۉلیمی‌ده اۉقیش آله‌یاتکنی معلوم قیلینگن.
واقعه جوزجان – بلخ عمومی قتناو یۉلی‌ده بیر موتر یۉلدن چیقیب کېتیشی نتیجه‌سیده یوز بېرگن.
جوزجان خوفسیزلیک قومندان‌لیگی بو واقعه، اۉتگن کېچه یوز بېرگنینی معلوم قیلدی.
ایتیش کېره‌ک که سونگی وقتلرده، افغانستان تورلی حدودلریده ترافیکی حادثه‌لر سانی کۉپه‌یگنی قید اېتیماقده.
