تورکیه‌ده جمهوریت تیزیمی‌نینگ اساسچیسی و تورک خلقی‌نینگ ییریک تاریخی سیمالریدن بۉلمیش مصطفی کمال آتاتورک وفاتی ۸۷ – ییلیگی کینگ نشانلندی.
تورکیه‌نینگ تورلی شهرلریده اوشبو مناسبت بیلن مراسملر اۉتکزیلیب، تورکلر مصطفی کمال آتاتورک‌نینگ خاطره‌سینی اېسله‌دیلر.
شونینگدېک تورکیه جمهور باشلیغی رجب طیب اردوغان بیانات نشر قیلیب، آتاتورک‌نینگ قیلگن خذمتلریدن اېسله‌گن.
اردوغان بیاناتیده، آناتولی یورتی سقلنیب قالیشی اوچون قربان بۉلگن برچه‌لر قربانلر، روحی تینچ بۉلیشی آرزو قیلینگن.
ایتیش کېره‌ک که عثمانلی امپراتورلیگی قوله‌شی آرتیدن بوگونگی تورکیه مملکتی آغیر ترتیب‌سیزلیک و تقدیرسیزلیککه دوچ کېلگن اېدی. جهان اوروشی غالب‌لری اۉرته‌سیده بۉلینیشی ریجه‌لشتیریلگن تورکیه حدودیده، کمال آتاتورک و اونینگ رهبریتیده‌گی حربی حرکت قرشی‌لیگی سبب سقلنیب قالدی.
آتاتورک اوشبو واقعه‌دن کېین، میلادی ۱۹۲۳ – ییل تورکیه‌ده جمهوریت تیزیمینی اعلام قیلیب، اۉزی جمهور باشلیغ اوله‌راق عمری‌نینگ اداغی‌گچه بو مملکت‌نی باشقیردی.
