طالبان عالی محکمه‌سی ایکی کیشینی “لواط” عیبی بیلن لغمان ولایتیده خلق کۉزی اۉنگیده دره اورگنینی ایتدی.
بوگون دوشنبه ۱۹- عقرب، اعلان قیلگن بیانات‌گه کۉره، بو شخصلر اوشبو ولایت‌نینگ دستلبکی محکمه‌سی تامانیدن ۳۹ دره‌لنیش جزاسی بیلن جزالنگن و طالبان عالی محکمه‌سی تامانیدن تصدیقلنگندن سۉنگ حکم بجریلگن.
طالبان اۉتگن هفته هم کابلده ۱۷ کیشینی نشه‌باب ماده‌لر سوداسی عیبی بیلن جماعت آلدیده دره اورگن اېدی.
آلدین‌راق بیرلشگن ملتلر تشکیلاتی‌نینگ افغانستانده‌گی نماینده‌سی (یوناما) اۉزی‌نینگ اوچ آیلیک حساباتیده طالبان تورلی ولایتلرده ۲۳۴ کیشینی دره‌لنگنینی معلوم قیلگن اېدی.
حساباتده ایتیشیچه، بو شخصلر آره‌سیده ۱۸۵ اېرکک و ۴۸ عیال و ۱ باله بار.
طالبان حاکمیت‌گه قیتگنیدن بېری شریعت قانونلرینی بجریش بهانه‌سی بیلن کیشیلرگه جزا بېریب، اولرنی جماعت کۉز آلدیده دره اورماقده.
بوندی جزالرنی بجریش انسان حقلری تشکیلاتلری‌نینگ کوچلی عکس‌العمللرینی کېلتیریب چیقرماقده.
