بیرلشگن ملتلر تشکیلاتی‌نینگ افغانستانده‌گی اهالینی جایلشتیریش بۉییچه اداره سی (UN-Habit) آگاهلنتیریشیچه، مملکت ایچیده‌گی کۉچیشلر آرتیب باره‌یاتگن بیر پیتده، شهر رېجه‌لشتیرووچیلرنینگ یۉقلیگی نارسمي ساحه و چېکّه محله‌لرنینگ کېنگه‌ییشیگه سبب بۉلیشی ممکن دیر.
مذکور اداره سه‌شنبه کونی 20- عقرب نشر قیلگن بیاناتیده تأکیدلشیچه، شهر آست – قورمه لری مقصدلی طرزده سرمایه یاتقیزیلسه، کۉچیریلگن اهالی گروهلری مېزبان شهرلرنینگ اقتصادي، اجتماعي و مدني رواجلنیشیده فعال و فایده‌لی رۉل اۉینشی ممکن.
بیرلشکن ملتلر تشکیلاتی نینگ افغانستانده‌گی اهالینی جایلشتیریش اداره سی بوندن آلدین هم شهرسازلیک جریانی مملکتده جوده تېزلیک بیلن آرتیب باره‌یاتگنینی، بیراق شهرلرده بو اۉسیش اوچون ضرور تیارگرلیک موجود اېمسلیگینی بیلدیرگن اېدی.
تشکیلات آگاهلنتیریشیگه کۉره، اگر حاضردن بو جریان‌نی باشقریش چاره‌لری کۉریلمسه، رېجه‌سیز شهرسازلیک اۉسیشی کمبغللیک نینگ آرتیشیگه، اوی-جای تنقیصلیگیگه و شهر خدمتلریگه باسیم کوچه‌ییشیگه آلیب کېلیشی ممکن.
