خلق ارا قیزیل خاچ کمیته‌سی(ICRC) سۉنگی تۉرت ییل ایچیده چمه‌سی۱۱۵۰۰ اۉغیل و ۸۰۰۰ دن آرتیق قیزنینگ مییه فلجی کسللیگی‌گه چلینگنلیگینی دوالش، کوچلنتیرووچی خذمتلری و یاردمچی واسطه‌لر بیلن تٲمینلنگنینی اعلام قیلدی.
قیزیل خاچ تشکیلاتی بوگون سه‌شنبه ۲۰ – عقرب، اۉزی‌نینگ حساباتیده ۲۰۲۱-۲۰۲۵ ییللر دوامیده افغانستانده مییه فلجی کسللیگی‌گه چلینگن باله‌لر و کته‌لر اوچون جسمانی کوچلنتیریش دستوری آرقه‌لی دوالش و کوچلنتیرووچی خذمتلرینی تقدیم اېتگنینی معلوم قیلدی.
حساباتده کۉره، اوشبو دستور کابل، غزنی، بلخ، جلال آباد، بدخشان و هلمند ولایتلریده جایلشگن یېتی‌ته کوچلنتیریش مرکزیده عملگه آشیریلگن.
بو دستور آرقه‌لی باله‌لرگه اۉزلری‌نینگ علاقه قابلیت‌لرینی کوچیتیریش‌گه و مکتبلرده و جمعیتده اشتراک اېتیش‌گه امکان بېره‌دی دېب بیلدیریلگن.
شونینگدېک، اوشبو دورده ۸۲۸ کیشی کته‌لر، شو جمله‌دن ۵۱۳ اېرکک و ۳۱۵ عیال فلجی کسللیگی بیلن رۉیخطگه آلینگن.
مذکور تشکیلات ۲۰۲۲ و ۲۰۲۳ ییللرده مییه فلجی کسللیگی بیلن چلینگن بېمارلرنی رۉیخطگه آلیشده سېزه‌لرلی اۉسیش کوزه‌تیلگنینی قۉشیمچه قیلدی.
اۉتگن ییلی خلق ارا قیزیل خاچ کمیته‌سی افغانستانده ۱۱ مینگدن آرتیق مییه فلجی کسللیگی بۉلگن باله‌لرگه کوچلنتیرووچی خذمتلری کۉرستیلگن اېدی.
