اۉزبېکستان جمهور باشلیغی‌نینگ مطبوعات خذمتی بو مملکت دولت رهبری شوکت میرضیایف، بوگون سه‌شنبه ۲۷ – عقرب، آسیا ترقیات بانکی باشلیغی ماساتو کاندو و اونینگ بیرگه‌سیده‌گی هیات بیلن اوچره‌شگنیدن خبر بېردی.
دیمک اوشبو اوچره‌شوو شوندی بیرحالده دیر که یقینده، میلادی ۲۰۲۵ و ۲۰۲۶ – ییللرده آسیا ترقیات بانکی‌نینگ باشقیرووچیلر کېنگشی ریس‌لیگی اۉزبېکستانگه اۉتکزیلگن اېدی.
دیمک آسیا ترقیات بانکی‌نینگ باشلیغی اۉزبېکستان‌نی اوشبو موقف بیلن تبریکلب، بو مملکت دولت رهبری بیلن استراتیژیک همکارلیکلر خصوصیده صحبت‌لشگن.
عینی حالده اوچره‌شووده، میلادی کېله‌سی ییل می آیی‌ده سمرقنده اۉتکزیلیشی ریجه‌لشتیریلگن آسیا ترقیات بانکی‌نینگ ییللیک ییغینی حقیده هم فکر المشتیریلگن.
اۉزبېکستان دولت رهبری، آسیا ترقیات بانکی‌دن مرکزی آسیانینگ ترانسپورت و انرژی ساحه‌لریده‌گی لایحه‌لریگه کۉپراق اعتبار قره‌تیشینی هم تکلیف قیلگن.
