اوکراین رسميلری نینگ معلوم قیلیشیچه، روسیه نینگ راکت و پهپاد هجومی نتیجهسیده مملکت نینگ غربیده جایلشگن
«ترنوپیل» شهریدهگی بیر یشش جای منارهسیگه ضربه بېریلگن و کمیده 10 کیشی هلاک، 40 کیشی یرهلنگن.
رویترز خبریگه کۉره، اوکراین ایچکی ایشلر وزیری یرهلنگنلر آرهسیده 12 نفر باله هم بارلیگینی ایتگن.
اوشبو یېتکیرمه نینگ خبر بېریشیچه، هجوم آرتیدن ترنوپیلدهگی تورر-جای بناسی نینگ یوقاری قبتی قولهب توشگن و اوندن قاره توتون آسمانگه کۉتریلگن.
اوکراین رسميلری ایتیشیچه، روسيه اۉتگن کېچه جمع 470 ته پهپاد و 48 ته راکت اوکراینگه قرهته آتگن.
اوکراین جمهور رییسی والادیمیر زلنسکي اوشبو هجومگه جواباً روسيهگه نسبتاً باسیمنی کوچهیتیریشگه چقیرگن.
جمهمر رییس زلنسکي ایکس اجتماعي ترماغیده شوندهی دېب یازگن: «عادي حیاتگه قرهتیلگن هر قندهی بېمنار هجوم روسيهگه باسیم یېترلی اېمسلیگینی کۉرسهتهدی. ثمرهلی چېکلاولر و اوکراینگه یاردم بو وضعیتنی اۉزگرتیریشی ممکن.»
اوکراین رسميلری تأکیدلشیچه، روسيه مملکت نینگ یېتّی حدودیده اینرژی آستقورمهسینی نشانگه آلگن و ترنوپیلده فوق العاده روشده برق اوزیلیشیگه سبب بۉلگن.
روسيه نینگ اوکراینگه هجوملری دوام اېتهیاتگن بیر پیتده، امریکا قۉشمه ایالات جمهورباشلیغی دونالد ترامپ نینگ اوروشنی توگهتیش بارهسیدهگی سعی-حرکتلری اېسه حاضرچه ثمره بېرمهیپتی.
او، قَیته آق اویگه کیرگنیدن سۉنگ اوکراین اوروشینی توختهتیشینی اعلام قیلگن اېدی، بیراق روسيه جمهور باشلیغی ولادیمیر پوتین بیلن اوچرهشوو و بیر نېچه بار تېلفون آرقهلی صحبتلردن کېین هم بو اوروشنی توگهتیشگه حلی اېریشه آلگنی یۉق.
