اۉزبېکستان جمهور باشلیغی شوکت میرضیایف، چین تشقی ایشلر وزیری وانگیی بیلن بۉلیب اۉتگن ملاقاتیده، باشقه مسالهلرگه قوشیمچه افغانستان خصوصیده هم فکر المشتیرگن.
اۉزبېکستان دولت رهبرینینگ مطبوعات خذمتی تامانیدن بو حقده نشر اېتیلگن بیاناتده اوچرهشووده، افغانستان اقتصادی احوالی و خوفسیزلیگی اهمیتی حقیده صحبت اېتیلگنی بیلدیریلگن.
بو حقده نشر اېتیلگن بیاناتده کېلیشیچه “افغانستاننی اجتماعی و اقتصادی تیکلش و خوفسیزلیک مسالهلریده سعیوحرکتلرنی موافقلشتیریشگه علیحده اعتبار قرهتیلدی.”
شونینگدېک اۉزبېکستان دولت رهبری بیلن چین یوقاری مرتبهلی هیاتی اۉرتهسیده ایکی تامانلمه مناسبتلر هم محاکمه اېتیلیب، تورلی ساحهلردهگی همکارلیکلر و علاقهلر کینگهیشی تاکیدلنگن.
اوچرهشوو حقیده نشر اېتیلگن بیاناتده قید اېتیلیشیچه، اۉزبېکستان و چین اۉرتهسیده توارلر حجمی ۱۴ میلیارد دالرگه ییتیشگن و قوشمه کارخانهلر سانی هم ۵ مینگتهنی تشکیل اېتهدی.
ایتیش کېرهک که اۉزبېکستان جمهور باشلیغی بوندن ایلگری هم اۉزینینگ مهم چیقیشلریده افغانستان مسالهسی خصوصیده فکر بیلدیریب کېلگن.
