مدال آلگن افغانستانلیک سپورتچیلر بوگون یکشنبه، 2 – قوس سعودی عربستانده اۉتکزیلگن اسلامی مملکتلر بیردملیک اۉیینلریدن کابلگه قَیتیب کېلدیلر.
اولر کابل خلقارا قونلغهسیده، خلق نینگ بیر قِسمی و طالبان مسووللری تامانیدن ایلیق کوتیب آلیندی.
افغانستان سپورتچیلری بو اۉیینلرده ایلک بار تورلی رنگدهگی اوچته مدال قۉلگه کیریتگنلر.
اوشبو مسابقهلرده یوسف جهانگیر موی-تای بۉییچه آلتین( طلا) مدال، محسن رضایی تیکواندو بۉییچه کوموش( نقره) مدال و محمد جعفر سلطانی ووشو بۉییچه برونز مدال آلدیلر.
بوندن آلدین هم افغانستان اسلامی مملکتلری بیردملیک اۉیینلریدن یېتّیته مدال قۉلگه کیریتگن اېدی، اولر نینگ برچهسی برونز بۉلگن.
