افغانستان اولاق/اوغلاق و محلی سپورتلر فدراسیونیگه تېگیشلی فیسبوک صحیفهسی آرقهلی نشر اېتیلگن بیاناتگه کۉره، بو ییل افغانستان اولاق لیگهسینینگ باشلنیش زمانی انیقلنگن.
افغانستان پایتختی کابل شهریده بۉلیب اوتهدیگن اوشبو لیگه اۉیینلری، قوس آیینینگ ۲۰ – سیده باشلنهدی.
بو حقده نشر اېتیلگن بیاناتده لیگه باشلهنیشیدن ایککی کون ایلگری اولاقچیلرگه اۉیینلر قاعدهلری حقیده سمینار اۉتکزیلهدی و قرعه تشلش مراسمی هم ۱۹ – قوس بۉلیب اوتهدی.
ایتیش کېرهک که بو ییل افغانستان اولاق لیگهسینینگ ۷ – دوری دیر که اۉتکزیلیشی ریجهلشتیریلماقده.
اوشبو لیگه اۉتگن ۷ ییل دوامیده، افغانستانده هیجانلی سپورت بیلهشوولریگه اَیلهنگن.
یما پترول و سرپل اولاق جماعهلری لیگهنینگ سونگی ایککی دور قهرمانلری دیر.
