سونگی کونلر ایچیده اسراییل حربیلری، آتیش-کېسین کېلیشوویگه ضد ینه بیربار غزهده اۉز هجوملرینی باشلهگن.
اسراییل بو حرکتلریگه قرشی تورکیه جمهور باشلیغی رجب طیب اردوغان مناسبت بیلدیریب، آتیش-کېسین بوزولگنیدن خواطر بیلدیردی.
اردوغان جی۲۰ گروهی ییغینیده اشتراک اېتیش مقصدیده بۉلگن جنوبی افریقادهگی سفریدن قیتهیاتکن چاغی ژورنالیستلر بیلن اۉتکزگن صحبتیده بوحقده فکر بیلدیردی.
اردوغانگه کۉره، حماس گروهی آتیش-کېسین بوزولیشی برابریده صبرلی بۉلیب کېلگن. بیراق اسراییل اېسه بو کېلیشووگه صادق قالمهگن.
شو بیلن بیرگه تورکیه جمهور باشلیغی، غزهده آتیش-کېسین بوتونلهی عملگه آشیریلیشی مقصدیده اسراییلگه قرشی دیپلوماتیک باسیم اۉتکزیلیشینی تکلیف قیلدی.
عینی حالده تورکیه جمهور باشلیغی، اوکراین اوروشی یکونلنیشی مقصدیده بۉلگن امریکا جمهور باشلیغی دونالد ترامپ ریجهسی حقیده هم فکر بیلدیریب، بو اوروش سۉزلشوو آرقهلی حل اېتیلیشینی اورغولهدی.
شونینگدېک اردوغان، اوکراین اوروشی یکونلنیشی اوچون ینه بیربار استانبول ییغینیدن فایدهلنیش کېرهکلیگینی تاکیدلدی.
