افغانستان فدرالچیلر توپلنمهسی بیر بیانات نشر قیلیب اعلام قیلیشیچه، بو مجمع تامانیدن خلقارا بیر تشکیلات همکارلیگیده، آلماننینگ هانوفر شهری میزبانلیگیده بیر ییغین اۉتکزیلهدی.
بو حقده نشر اېیتلگن بیاناتده، اوشبو ییغین «فدرالیسم؛ افغانستانده اجتماعی عدالت، تینچلیک و برقرارلیک یۉلی» عنوانی آستیده بۉلیب، نوامبر آیینینگ ۲۸ – و ۲۹- کونلری بۉلیب اوتیشی ریجهلشتیریلگن.
افغانستان فدرالچیلر توپلنمهسی نینگ بو ایککینچی دور ییغینی دیر که اوشبو عنوان آستیده اۉتکزیلماقده دیر.
ییغینده، افغانستان دوچ بۉلیب تورگن توسیقلیکلرنی علمی و عملی ییچیم-یۉللری همده مملکتنینگ برقرارسیزلیگی آلدی آلینیشی مقصدیده فدرالی تیزیم رولی تیکشیریلیشی معلوم قیلینگن.
شونینگدېک افغانستان فدرالچیلر توپلنمهسی، بو ییغینده سیاسی سیمالر، بیلیم یورت استادلری، فعاللر، ایش بیلرمانلر و مدنی جماعهچیلیک فعاللری اشتراک اېتیب، موضوع حقیده فکر المشتیریشلرینی قوشیمچه قیلگن اۉز بیاناتیده.
ایتیش کېرهک که افغانستانده سیاسی تقدیرسیزلیک دوام اېتر اېکن، مملکتده کېلهجگی اوچون ایریم تیزیملر و سیاسی تقدیر تکلیف اېتیلماقده دیر که بو آرهده اۉتگن تۉرت ییل دوامیده فدرالی تیزیم هم افغانستان برقرارسیزلیکلری یکونلنیشی اوچون مهم یۉللردن بیری اولهراق بیلدیریلماقده دیر.
