پاکستانده مهاجرلر اینقسه بو مملکتده یشاوچی افغانستانلیک ژورنالیست‌لرگه نسبتن باسیملر کۉپه‌یشی آرتیدن، افغانستان‌نینگ سورگونده‌گی، یېتکرمه‌‌لر اېرکینلیگینی قۉللب-قوّتلاوچی تشکیلاتی یا ده «نی» پاکستان دولتیدن افغانستانلیک ژورنالیست‌لرنی چیقارمسلیکنی سۉره‌دی
بو حقده نشر اېتیلگن بیاناتده، افغانستانده دوام اېتیب تورگن وضعیت بیلدیریلیب، ژورنالیستلر هیچ قنده‌ی حالتده چیقاریمسلیگینی طلب قیلینگن.
نی تشکیلاتی بو حقده نشر قیلگن بیاناتیده، پاکستانده افغانسانلیک قاچقینلر اینقسه ژورنالیستلر و عاموی اخبارات واسطه‌لری خادملریگه نسبتاً یوز بېره‌دیگن معامله‌دن جدی خواطر بیلدیریلگن.
شونینگدېک نی تشکیلاتی، پاکستان حکومتیدن افغانستان قاچقینلرینی طالبان اوستیدن باسیم واسطه‌سی صفتیده ایشله‌تمسلیکنی طلب قیلگن.
تشکیلات‌نینگ معلوماتی اساسیده، سۉنگّی۲۴ ساعت ایچیده فقط‌گینه اسلام‌آبادنینگ اۉزیده بېش نفر افغانستان ژورنالیستی و عاموی اخبارات واسطه‌سی خادمی حبسگه آلینگن و اولر افغانستان‌گه قیتریلیشی اوچون مخصوص سقلاو مرکزیگه یوباریلگن.
ایتیش کېره‌ک که افغانستان حاکمیتی طالبان اختیاریگه اۉتیشی آرتیدن کۉپلب ژورنالیستلر و یېتکیرمه‌لر فعاللری، پاکستانگه کېتیش‌گن مجبور بۉلدی و اولر حاضر امریکا و اروپا مملکتلریگه انتقال بېریلیش‌نی کوتیب تورگنلر.
