تورکیه‌نینگ استانبول شهری میزبانلیگیده، ایکو تشکیلاتیگه اعضا مملکتلر سودا وزیرلری‌نینگ بیشینچی دور ییغینی اۉتکزیلدی.
طالبان صناعت و سودا وزیرلیگی تامانیدن نشر اېتیلگن بیاناتگه کۉره، بو حاکمیت صناعت و سودا وزیری هم اوشبو ییغین‌ده نطق سۉزلب، ایکو اقتصادی همکارلیکلر تشکیلاتی اعضالریدن افغانستانده سرمایه یاتقیزیش‌لر و افغانستان بیلن بۉلگن سوداگرلیک ساحه‌سیده قوله‌یلیکلر یره‌تیلیشینی سۉره‌گن.
عینی حالده طالبان وکیلی، بو ییغین کېله‌سی دوری کابل شهریده اۉتکزیلیشینی تکلیف قیلیب، بو خصوصده طالبان حکومتی تیارگرلیگینی معلوم قیلدی.
شونینگدېک طالبان صناعت و سودا وزیرلیگی، ییغین‌ده تشکیلات اعضالری اۉرته‌سیده اقتصادی همکارلیکلر کینگه‌یشی و سودا و ترانزیت ساحه‌لریده قوله‌یلیکلر یره‌تیلیشی مقصدیده، کمیده تۉرت کېلیشوو امضالنگنینی هم اعلام قیلدی.
