طالبان تشقی ایشلر وزیرلیگی بوگون پنجشنبه ۶ – قوس بیر بیانات نشر قیلیب، افغانستان بۉییچه ناروی مخصوص وکیلی پیرت البرت الساس، بو مملکت طالبان بیلن علاقه اۉرنه‌تیش اوچون تیارلیگینی اعلام قیلگنیدن خبر بېردی.
دیمک ناروی مخصوص وکیلی بو مساله‌نی طالبان تشقی ایشلر وزیری امیرخان متقی بیلن اۉتکزیلگن اوچره‌شوویده تیلگه آلگن.
شونینگدېک طالبان ادعاسیگه کۉره، ناروی مخصوص وکیلی یقین‌ده خوست و کنر ولایتلریده اویوشتیریلگن بمباردمان خصوصیده هم قیغوداشلیک بیلدیرگن.
عینی حالده طالبان تشقی ایشلر وزیری بو حاکمیت پاکستان شامل دنیا مملکتلری بیلن یخشی مناسبتده بۉلیش آرزوسی ده دېب اعلام قیلگن.
ایتیش کېره‌ک که طالبان شوندی بیرحالده مملکتلر بیلن یخشی مناسبت‌نی سۉره‌شماقده دیر که حاضرگچه روسیه‌دن باشقه هیچ بیر مملکت بو حاکمیت‌نی رسمی تَن آلمه‌گن.
