اسراییل کوچلری غربي ساحل نینگ طوباس شهریگه اویوشتیرگن کېنگ کۉلملی هجوملرده 200 دن آرتیق فلسطینلیک یرهلنگن.
الجزیره شنبه، 29-نوامبر خبر بېریشیچه، چهارشنبه کونیدن باشلب غربي ساحل نینگ شمالي حدودلریده باشلنگن اسراییل هجوملری هنوز دوام اېتماقده.
حساباتگه کۉره، فلسطین قیزیل آی جمعیتی ایتیشیچه، چهارشنبهدن بېری طوباسدهگی هجوملرده یرهلنگنلر نینگ 78 نفری شفاخانهگه یاتقیزیشگه محتاج بۉلگن.
اسراییل کوچلری تمون شهری و کمپدن چیقیب کېتگچ، اۉز حرکتلرینی طوباس شهری و اونگه یقین قیشلاقلرده کېنگهیتیرگن.
محلي ادارهلر معلوم قیلیشیچه، سۉنگی تۉرت کون ایچیده قریب 200 کیشی حبسگه آلینگن و اولر نینگ اکثریتی سۉراقدن کېین آزاد قیلینگن، بیراق کمیده سکّیز کیشی اسراییل نینگ حربي قماقخانهسیگه اۉتکزیلگن.
شو بیلن بیرگه، اسراییل کوچلری نینگ کېنگ مقیاسلی هجوملری 2023-ییل اکتوبردن بویان کوچهیگن بۉلیب، فقط نوامبر آیی نینگ اۉزیده غربي ساحل بۉیلب کونیگه اۉرتهچه 47 هجوم قید اېتیلگن.
