«دفاع» تشکیلاتی تاجیکستان نینگ دوشنبه شهریده افغانستانلیک خاتین- قیزلر بیلن صحبت و فکر المشیش مقصدیده ییغیلیش اۉتکزدی.
تشکیلات یکشنبه کونی 9- قوس، مطبوعات آرقهلی معلوم قیلشیچه، اوشبو ییغیلیشده 70 نفر افغانستانیک مهاجر عیال و قیزلر اشتراک اېتیب، اۉز تجربهلری و تکلیفلرینی بیلدیریشگن.
بیاناتگه کۉره، ییغیلیش دوامیده بیرلشگن ملتلر تشکیلاتی نینگ افغانستان مهاجرلرینی قۉللب-قوّتلشدهگی رۉلی مهم اېکنلیگی هم تأکیدلنگن.
«دفاع» تشکیلاتی اساسچیسی آریانا سعید برچه کۉتریلگن مسألهلرنی تاجیکستان حکومتی مسووللری بیلن بحث قیلیشینی و اولرنی کوزهتیب باریش جریانینی دوام اېتتیریشینی بیلدیرگن.
او شونینگدېک تعلیم احتیاجلرینی قاندیریش مقصدیده، تاجیکستان حکومتیدن دوشنبه شهریدهگی مهاجر افغان قیزلری و بالهلری اوچون مخصوص مکتب تشکیل اېتیشنی سۉرهگن.
«دفاع» تشکیلاتی ایتیشیچه، اونینگ مقصدی افغانستان عیاللری نینگ آوازینی یېتکزیشدیر و او منطقوي و خلقارا درجهده اولر نینگ شرایطینی یخشیلشگه قرهتیلگن حرکتلرینی دوام اېتتیرهدی.
