بیرلشکن ملتلر تشکیلاتی نینگ اهالی نهادی (UNFPA )ایتیشیچه، انترنتگه ایریشیش امکانی بۉلمهسه، عیاللر اساسي و حیاتي اهمیتگه اېگه خدمتلردن فایدهلنه آلمهیدیلر.
مذکور تشکیلات بوگون دوشنبه، 10- قوس ایکس صحیفهسیده اعلام قیلگن بیاناتیده انترنت چېکلاولری عیاللر نینگ حیاتی و کېلهجگی حقیده آنگلی قرار قبول قیلیش امکانیتینی کمهیتیریشینی تأکیدلهدی.
بیرلشکن ملتلر تشکیلاتی نینگ عیاللر بۉلیمی هم اعلام قیلگن گزارشیده، آستقورمه نینگ ضعیفلیگی و سواد نینگ پستلیگی افغانستان یشاوچیلری نینگ تیلفون و انترنتگه کیریشینی چېکلهیاتگنینی بیلدیرگن.
تشکیلات قۉشیمچه قیلیشیچه، عیاللر ینهده کۉپراق تۉسیقلرگه دوچ کېلهدیلر، چونکه اجتماعي و مدني معیارلر اولر نینگ رقملی خدمتلرگه اېریشیش امکانیتینی چېکلهیدی.
بیرلشکن ملتلر تشکیلاتی شونینگدېک، افغانستانده هر قندهی انترنت و موبایل ترماق اوزیلیشی خاتین-قیزلرنینگ حیاتینی جدّي معمالر بیلن یوزلشتیریشینی معلوم قیلگن اېدی.
بو آرهده، یقینده طالبان تامانیدن افغانستان بۉیلب انترنت و علاقه خدمتلری نینگ اوزیلیشی اهالی نینگ کوندهلیک حیاتینی اېسدن چیقرگن و کۉپلب کیچیک تجارتلریگه کتّه ضرر یېتکزگن اېدی.
