امریکا قوشمه ایالتلریده افغانستانلیک مهاجر تامانیدن بو مملکت ملی گارد اعضالریگه قرشی اویوشتیریلگن هجوملرگه نسبتن مناسبتلر دوامیده، امریکا جمهورلیک ریاست سرایی یا ده «آقاوی» سۉزلاوچیسی کارولین لویت هم اۉتکزگن خبری بیر ییغینیده بو مساله خصوصیده تۉختهتیلیب، جوبایدن حکومتیدن تنقید قیلدی.
لویتگه کۉره، جوبایدن حکومتی تامانیدن یوز مینگگه یقین افغانستان وطنداشی تیکشیریلمهگن حالده امریکاگه آلیب کېلینگن.
آقاوی سۉزلاوچیسی، کابلده ۱۳ امریکا حربیسی اۉلدیریلیشی و بو مملکت ملی گارد اعضالریگه هجوم اویوشتیریلیشیدن اېسلب، بو جوبایدننینگ تاریخی مغلوبیتی عاقبتلری دېب بیلدیردی.
شونینگدېک لویت، امریکاگه آلیب کېلینگن افغانستانلیکلردن ایریمی خوفلی بۉلگنی خصوصیده جوبایدن حکومتی آگاهلنتیریلگن اېکن. بیراق بو حکومت اونگه اعتبار قرهتمهگن دېب ادعا قیلدی.
ایتیش کېرهک که بوندن ایلگری دونالد ترامپنینگ اۉزی هم، بو مسالهنی جوبایدن حکومتی بوینیگه تشلهگن اېدی.
