ایران چیگره کوچلری بو مملکتگه ناقانونی یۉللردن اوتیشگه اورینگن افغانستان وطنداشلرینی اۉققه توتیب اۉلدیرگن.
ایریم خبرلرگه کۉره، ایران چیگره کوچلری تامانیدن اۉتگن کېچه ۱۳ کیشی اۉلدیریلگن. بیراق فراه ولایتیده طالبان محلی رسمیلری ایریم یېتکیرمهلرگه ۱۰ کیشی بو واقعهده جان بېرگنینی تصدیقلگن.
ایتیلیشیچه فراه ولایت یشاوچیلری بۉلمیش اوشبو شخصلر، ایران و افغانستان چیگرهسیده اۉلدیریلگن.
حاضرگچه ایران رسمیلری بو خصوصده هیچ قندهی تفصیلات بېرگن اېمس.
ایتیش کېرهک که ایران چیگره کوچلری بوندن ایلگری هم، افغانستان وطنداشلرینی اۉققه توتیب اۉلدیرگن اېدی.
بو شوندی بیرحالده یوز بېرماقده دیر که هر کونی مینگلب افغانستان وطنداشی مملکتدهگی ایشسیزلیکلر سبب، ایران باریشگه سعیوحرکت قیلماقده دیر.
