طالبان تشقی ایشلر وزیری امیرخان متقی، قزاقستان جمهور باشلیغینینگ مخصوص وکیلی پرکین توکوموف بیلن اوچرهشدی.
طالبان تشقی ایشلر وزیرلیگی تامانیدن نشر اېتیلگن بیاناتگه کۉره، اوچرهشووده ایکی تامانلمه مناسبتلر اینقسه اقتصادی و سیاسی علاقهلر خصوصیده فکر المشتیریلگن.
بیاناتده کېلیشیچه، طالبان تشقی ایشلر وزیری منطقه و دنیا مملکتلری بیلن یخشی مناسبت اۉرنهتیش آرتیدن اېکنلرینی معلوم قیلگن.
شونینگدېک طالبان ادعا قیلیشیچه، قزاقستان مخصوص وکیلی بو مملکت طالبان بیلن مناسبتلرینی یخشیلنتیریش آرتیدن اېکنینی اعلام قیلگن.
ایتیش کېرهک که قزاقستان، طالبان بیلن یخشی مناسبتده بۉلگن مملکتلر جملهسیدن دیر.
قزاقستان بیرینچی مملکت بۉلیب، طالباننی بو مملکت ترورچیلیک قاره رویخطیدن چیقاردی. بیراق حاضرگچه طالبان حکومتنی رسمی تَن آلمهگن.
