افغانستان یشاوچیلری استرلیاده اۉز اېلچیخانهسی نینگ یاپیلیشی احتمالی بارهسیده خواطرلر بیلدیرگنلر.« اسبیاس» اخباراتیگه کۉره، استرلیا فدرال حکومتی افغانستان نینگ کانبرادهگی اېلچیسی، وحیدلله ویسیگه 2024 ییل فبرورییدن کېین دیپلوماتیک وکالتلرینی اوزهیتیرمسلیکنی خبر قیلگن. ویسی 2017 ییلده آلدینگی حکومت تامانیدن اېلچی اېتیب تعیینلنگن اېدی.
2024 ییل جولای آییده، طالبان افغانستان نینگ 14 ته قونسوللیک وکالتخانهسی نینگ حجتلرینی یراقسیز دېب اعلام قیلگن. بو قراردن سۉنگ، افغانستان نینگ کانبردهگی اېلچیخانهسی نینگ قونسوللیک خدمتی توختهتیلگن. استرلیا تشقی ایشلر وزیرلیگی نینگ پراتاکال بۉییچه باشلیغی، جاناتان مویراېلچیخانه حاضرگی فعالیتنی دوام اېتتیریش امکانیتیگه اېگه اېمسلیگینی تأکیدلهدی.
شو بیلن بیرگه، استرلیا حکومتی طالباننی تن آلمهسلیگینی قید اېتگن. حاضرگی کونده افغانستان نینگ اکثریت اېلچیخانهلری یاکه یاپیلگن، یاکه طالبان بیلن همکارلیک قیلماقده. بعضی مملکتلر، جملهدن منطقوي دولتلر، افغانستان نینگ دیپلوماتیک وکالتخانهلرینی طالبانگه تاپشیرگن.
افغانستانده طالبان حکمرانلیگی اۉرنهتیلگنیگه تۉرت ییل بۉلیشیگه قرهمهی، حاضرگچه بو گروه فقط روسيه تامانیدن تن آلینگن.
