بیرلشگن ملتلر تشکیلاتی نینگ آزیق- آوقت و دهقانچیلیک تشکیلاتی (FAO) معلوم نینگ قیلیشیچه، هلمند ولایتیده سوو کانالی نینگ قَیته تعمیرلنیشی نتیجهسیده 36 مینگدن آرتیق کیشی اېندیلیکده یخشیراق سوغاریش و خوفسیزراق ایچیملیک سوویگه اېگه بۉلدی.
اوشبو تشکیلات یکشنبه کونی، 23- قوس ، ایکس صحیفهسیده جهان بانکی یاردمیده هلمندده 2،5 کیلومتر اوزونلیکدهگی سوو کانالی قَیته تیکلنگنینی بیلدیردی. مذکور کانال آرقهلی 15 ته قیشلاققه سوو یېتکزیب بېریلماقده.
بو تعمیرلش ایشلری افغانستان قورغاقچیلیک، ایچیملیک سووی تنقیصلیگی و دهقانچیلیک یېرلرینی سوغاریش معمالریگه دوچ کېلهیاتگن بیر پیتده عملگه آشیریلماقده.
بیرلشکن ملتلر تشکییلاتی نینگ آزیق- آوقت و ایچیلیک سوو تشکیلاتی اوّلراق افغانستانده قورغاقچیلیک تېز روشلرده کېنگهیهیاتگنی و میلیونلب آدملرنینگ حیاتینی خوف آستیگه قۉیهیاتگنی حقیده آگاهلنتیرگن اېدی.
شونینگدېک، یونیسف هم میلیونلب افغانستانلیکلر اوچون تازه ایچیملیک سوویگه اېریشیش امکانیتی کېسکین چېکلنگنی، افغانستان اهالیسی نینگ هر 10 کیشیدن 8 نفری «افلاس سوو ایچهیاتگنی»نی معلوم قیلگن.
