بیرلشکن ملتلر تشکیلاتی نینگ بالهلرنی حمایهلش صندیغی (یونیسف) کنر ولایتیده یوز بېرگن هلاکتلی زلزلهلردن جبرلنگنلر یچیملیک سوو بیلن تأمینلهگنینی اعلام قیلدی.
یونیسف نینگ افغانستاندهگی وکیلی تاج الدین اۉیوالی بوگون دوشنبه، 24- قوس ایکس صحیفهسیده یازیشیچه، افغانستان شرقیده صادر بۉلگن زلزلهلردن اوچ آیدن آرتیق وقت اۉتیب، حاضرده «خاص-کنر» ده تازه ایچیملیک سووی آقیمی یۉلگه قۉییلگن.
اونینگ قۉشیمچه قیلیشیچه، یونیسف اوشبو لاگېردهگی کۉچیریلگن عایلهلر اوچون قویاش انرژیسیگه اساسلنگن برقرار و «تېجهمکار سوو تأمیناتی تیزیمی»نی ایشگه توشیرگن.
طالبان تامانیدن تقدیم اېتیلگن معلوماتلرگه کۉره، کنردهگی هلاکتلی زلزلهلر عاقبتیده ایکّی مینگدن آرتیق کیشی هلاک بۉلگن، اوچ مینگدن آرتیق کیشی جراحتلنگن و 6 مینگ 700 ته اوی ویران بۉلگن.
بو یاردم شوندهی بیر پیتده عملگه آشیریلماقدهکی، اوّلراق هم حساباتلرده سۉنگّی زلزلهلردن تشقری، میلیونلب افغانستانلیکلر اوچون تازه ایچیملیک سوویگه کیریش امکانیتی کېسکین چېکلنگنی قید اېتیلگن اېدی.
