آلمان عاموي اخبارات واسطهلری خبر بېریشیچه، اوشبو مملکت نینگ فدرال حکومتی طالبان بیلن کېلیشوودن سۉنگ بیرینچی «جنایتچی مهاجر»نی افغانستانگه دېپورت قیلدی.
بیلد گزیتهسی معلوماتیگه کۉره، بو مهاجر بوگون اېرتهلب چهارشنبه، 26- قوس، آلمان نینگ باوريه یېریدن کابلگه یېتیب کېلگن و طالبانگه تاپشیریلگن.
اوشبو نشرگه کۉره، آلمان ایچکی ایشلر وزیری الکساندر دوبرینت افغانستانگه دیپورتیلر باشلنگنینی و اولر باسقیچمه-باسقیچ کېنگهیتیریلیشینی ایتگن.
او قۉشیمچه قیلشیچه، آلمانده جنایت یوز بېرگن هر بیر شخص یشش حقیدن محروم قیلینهدی و دیپورت قیلینهدی.
آلمان ایچکی ایشلر وزیری افغانستانلیک جنایتچی و خوفلی شخصلرنی دیپورت قیلیش آلمان منفعتلریگه ماس اېکنینی تأکیدلهگن.
بیلد گزېتهسی خبریگه کۉره، آلمان بوندن بویان جنایتچی شخصلرنی افغانستانگه منتظم روشده دېپورت قیلیشنی رېجهلشتیرماقده.
نشر قۉشیمچه قیلیشیچه، آغیر جنایتلر اوچون حکم قیلینگن شخصلر گروه بۉلیب اېمس، بلکه علیحده طرزده و عادي شکلده دیپورت قیلینهدی.
سۉنگّی آیلرده آلمان نینگ ینگی فدرال حکومتی طالبان بیلن جنایتچی مهاجرلرنی افغانستانگه دېپورت قیلیش بۉییچه کېلیشووگه اېریشگن.
اوشبو کېلیشوودن آلدین آلمان جنایتچی شخصلرنی قطر واسطهچیلیگیده افغانستانگه دیپورت قیلیب کېلگن.
