بیرلشگن ملتلر تشکیلاتی نینگ بالهلرنی قوللب- قوتلش جمغرمهسی (یونیسف) معلوم قیلیشیچه، ننگرهار ولایتیده ساغلام ایچیملیک سووی بیلن تأمینلش آرقهلی بالهلر افلاس سوو عاقبتیده یوزهگه کېلهدیگن کسللیکلردن حمایهلماقده.
مذکور تشکیلات، ۲۶- قوس، چهارشنبه کونی، ایکس اجتماعی ترماغیدهگی صحیفهسیده اعلان قیلگن خبرده ننگرهار ولایتی نینگ تورغه قیشلاغیده ایکی قودوق و بیر نېچته سوو نلری قوریلگنی، بو آرقهلی عایلهلر و بالهلر نینگ تازه سووگه بۉلگن امکانیتی یخشیلنگنی ایتیلگن.
بیرلشگن ملتلر تشکیلاتی بالهلر جمغرمهسی معلوم قیلیشیچه، اوشبو لایحه اروپا اتفاقی کۉمهگیده عملگه آشیریلگن بۉلیب، سوو تیزیملری قویاش انرژیسی بیلن جهازلنگن. بو اېسه ساغلام ایچیملیک سووینی برقرار طرزده تأمینلش امکانینی بېرهدی.
یونیسف تأکیدلشیچه، تشکیلات بوتون افغانستان بۉیلب عایلهلر و بالهلر اوچون تازه سوو یېتکزیب بېریش مقصدیده یېر آستی قویاش انرژیسیگه اساسلنگن سوو تیزیملرینی اۉرنهتماقده.
مذکور لایحه یونیسف اولراق افغانستان اهالیسی نینگ کته قسمی تازه و ساغلام ایچیملیک سوویگه اېگه اېمسلیگی حقیده آگاهلنتیرگن بیر پیتده عملگه آشیریلماقده.
