بیرلشکن ملتلر تشکیلاتی نینگ آزیق-آوقت و اېکینچیلیک تشکیلاتی (فائو) افغانستانده فبروری آییگچه قوروق و ایلیق قیش باشلنیشی حقیده آگاهلنتیردی.
تشکیلات سهشنبه بوگون، 16-جدي، 2025-ییل نوامبر و دسمبر آیلریدن 2026-ییل جنوری و فبروری آیلریگچه بۉلگن دورده یاغینگرچیلیک حالتینی تحلیل قیلدی.
فاو پراگنازیگه کۉره، اوشبو آیلر دوامیده یاغینگرچیلیک معیاردن کم بۉلهدی.
تشکیلات نینگ ایتیشیچه، 2025–2026-ییللردهگی یاغین موسمی حاضردناق عادتدهگیدن کۉره قوروقراق و ایسّیقراق باشلنگن، توپراق نملیگی تنقیصلیگی اېسه بوتون مملکت بۉیلب ینه بیر ییل دوام اېتهیاتگنی کوزهتیلماقده.
فائو شوندهی دېییلهدی: «2025-ییل نوامبریدن 2026-ییل جنورییگچه بۉلگن دور اوچون کۉپ مۉدلی یاغین بشارتلری مملکت نینگ اکثریت حدودلریده یاغینگرچیلیک معیاردن پست بۉلیشی احتمالی یوقاری اېکنینی کۉرستماقده، اینیقسه شمالي، شِمالی-شرقي و مرکزي تاغلی حدودلرده».
تشکیلات حساباتیگه کۉره، جنوری آییده بیر نېچته کوچلیراق آب-هوا تیزیملری وقتینچه قار و یاغینگرچیلیک حالتینی بیرآز یخشیلشی ممکن، بیراق بو حادثهلر کم اوچرهیدی و ییغیلیب قالگن تنقیصلیکنی قاپلشگه یېتمهیدی.
شونینگدېک، فائو معلوماتیگه کۉره، موسمي یاغینگرچیلیک افغانستان نینگ اکثریت حدودلریده معیاردن پست بۉلیشی کوتیلماقده، اساسي تاغلی حوزهلرده قار سووی اېسه اوزاق مدتلی اۉرتهچه کۉرستکیچدن سېزیلرلی درجهده پست بۉلیب قالهدی.
بو حالت افغانستان اۉتگن ییلی هم کم یاغینگرچیلیک و قورغاقچیلیکنی باشدن کېچیرگن بیر پیتگه تۉغری کېلماقده.
