پاکستان تشقی ایشلر وزیرلیگی اوشبو مملکت یشاوچیلریدن اۉز خوفسیزلیگی و حمایهسینی تأمینلش مقصدیده، وضعیت یخشیلنمهگینچه ایرانگه ضرور بۉلمهگن سفرلردن وازکېچیشینی سۉرهدی.
وزیرلیک بوگون شنبه، 20 جدي اعلام قیلگن بیاناتیده، حاضرده ایرانده بۉلیب تورگن پاکستان یشاوچیلریدن هم نهایتده احتیاطکار بۉلیشنی طلب قیلگن.
پاکستان تشقی ایشلر وزیرلیگی بو شخصلردن هوشیار بۉلیشنی، ضرور بۉلمهگن سفرلرنی امکان قدَر کمهیتیریشنی و ایراندهگی پاکستان دیپلوماتیک وکالتخانهلری بیلن منتظم علاقهده بۉلیب توریشنی سۉرهگن.
ایرانده ناراضیلیک نمایشلری بوگون اۉن تۉرتینچی کونیگه کیردی. ایران حکومتی ناراضیلیکلر کېنگهییب بارهیاتگنی سببلی، پنجشنبه کونی کېچقوروندن باشلب اینترنتنی اوزیب قۉیگن.
خلقارا انسان حقوقلری تشکیلاتلری اینترنت نینگ اۉچیریلیشیگه اشاره قیلیب، انسان حقوقلری نینگ جدّي بوزیلیشی و نمایشچیلر نینگ باستیریلیشیدن خواطر بیلدیرگن.
