تخار ولایتیدهگی محلي منبعلرنینگ معلوم قیلیشیچه، طالبان کانلر وزیرلیگیدن بیر هیئت نینگ چاهآب تومنیگه سفری بیلن بیر وقتده، اوشبو گروه استخباراتی تامانیدن ناراضیلیک بیلدیرگنلرنی انیقلش و حبسگه آلیش جریانی باشلنگن.
منبعلر جمعه کونی، 19 جدي، یېتکیرمهلرگه ایتیشیچه، طالبان کان قزیب چیقریش شرکتی خادملریدن بیری نینگ اۉلدیریلیشیده اَیریم شخصلر اشتراک اېتگنی بهانهسیده اعتراضچیلرنی حبسگه آلیشگه اورینماقده.
منبعلرنینگ قۉشیمچه قیلیشیچه، اوشبو اولسواللیکده طالباننی قۉللب-قوّتلاوچی ملالر مسجدلرده اعتراضچیلرنی بو گروهگه قرشی بۉلگنلر و «عصیانچیلر» دېب اتب، اولرگه قرشی ترغیبات آلیب بارماقده.
تخار نینگ چاهآب تومنیدهگی ناراضیلیکلر کان قزیب آلیش فعالیتی بیلن باغلیق کېسکین لیکلر همده محلي اهالی نینگ طالبانگه علاقهدار شرکتلر فعالیتیگه اعتراض بیلدیریشی آرتیدن باشلنگن.
