طالبان نینگ بادغیس ولایتی امنیه قوماندانلیگی نینگ معلوم قیلیشیچه، اوشبو ولایت نینگ « سنگآتش» اولسواللیگیده بیرته تراکتور اغدریلیشی نتیجهسیده اونینگ هیداوچیسی وفات اېتگن.
بادغیس ولایتی امنیه قوماندانلیگی مطبوعات سۉزلاوچیسی صدیقالله صدیقی نینگ ایتیشیچه، بو حادثه تیناوون توشدن کېین جمعه، 19 جدی سنگآتش تومنیدهگی «جعفریلر» قیشلاغیده یوز بېرگن.
اونینگ قۉشیمچه قیلیشیچه، حادثه هیداوچی اېکینچیلیک یېرینی شُدیارلش بیلن بند بۉلگن پیتده یوز بېرگن.
طالبان امنیه قوماندانلیگی سۉزلاوچیسی نینگ ایتیشیچه، مذکور حادثه نینگ سببی هیداوچی نینگ احتیاطسیزلیگی سبب بۉلگن.
آلدین هم مملکت نینگ تورلی ولایتلریده شونگه اۉخشش حادثهلر قید اېتیلگنی حقیده خبرلر بېریلگن.
