ایرانده تۉرت کون دوام اېتگن اینترنت اوزیلیشلری بیلن بیر وقتده، امریکا جمهور رییسی دونالد ترامپ ایران اوچون انترنت تأمیناتی مسألهسیده امریکالیک میلیاردر و اسپیسایکس کمپنیسی باشلیغی ایلان ماسک بیلن گپلشماقچی اېکنینی ایتدی.
ترامپ یکشنبه کونی کېچقورون، 12-جنوری ژورنالیستلرگه ماسک صنعي یۉلداش آرقهلی اینترنت تقدیم اېتیش بۉییچه جوده یخشی کمپنیگه اېگه اېکنینی ایتدی.
اونینگ قۉشیمچه قیلیشیچه: «او بوندهی مسألهلرده جوده یخشی و اونینگ جوده یخشی کمپنیسی بار».
ایلان ماسک بوندن آلدین استارلینک اینترنت خدمتلرینی تقدیم اېتیش آرقهلی ایرانلیکلرنی قۉللب-قوّتلهگن اېدی.
ماسک 2022-ییلده مهسا امیني نینگ اۉلیمیگه مناسبت صفتیده ایرانده باشلنگن ناراضیلیک نمایشلری پیتیده هم ستارلینک اینترنت خدمتلرینی تقدیم اېتگن اېدی.
ایراندهگی جاري ناراضیلیک نمایشلری 28-دسمبردن باشلب نرخلرنینگ کېسکین آشیشیگه قرشی باشلنگن و کېینچهلیک 1979-ییلگی اسلام انقلابیدن بېری مملکتنی باشقریب کېلهیاتگن دیني حکمدارلرگه قرشی ناراضیلیککه ایلنگن.
ایران قریب تۉرت کوندن بېری انترنت و خلقارا علاقهلرنی اوزیب قۉیگن.
امریکاده جایلشگن ایران انسان حقوقلری فعاللری گزارشیگه کۉره، حاضرگچه ناراضیلیک نمایشلری دوامیده 300 دن آرتیق کیشی اۉلگن
