پاکستان عاموی اخبارات واسطهلری کراچیده یوز بېرگن یانغین عاقبتیده اۉلگنلر سانی 26 نفرگه یېتگنی، باشقه 83 کیشی بېدرَک یۉقالگنینی خبر قیلماقده.
اکسپرس تریبون بوگون سهشنبه، 20-جنوری، یانغین یوز بېرگنیگه 48 ساعت بۉلگنینی و جسدلرنی چیقریش بۉییچه قیدیروو ایشلری هنوز دوام اېتهیاتگنینی معلوم قیلگن.
یانغین میدانی فوتبال میدانیگه تېنگ دېب بهالنهیاتگن « گلپلازا» تجارت مرکزیده یوز بېرگن.
مذکور تجارت مرکزیده بیر مینگ 200 ته دکان موجود بۉلگن.
خبرلرگه کۉره، یوزلب آدملر بنا اطرافیده تۉپلنگن، قوتقروو گروهلری اېسه امان قالگنلرنی ایزلهماقده.
بیر کیشینینگ رویترز اخبارات آژانسیگه ایتیشیچه، اونینگ خاتینی، کېلینی و کېلینینینگ آنهسی خرید قیلیش اوچون بارگن، بیراق حاضرگچه بېدرَک قالماقده.
کراچی پاکستاننینگ اېنگ ییریک شهری حسابلنهدی.
