بوگون توشدن کېین سهشنبه، 30 -جدی ویتنام مېزبانلیگیده اۉتکزیلگن ایکّینچی دۉستانه اۉیینده افغانستان ملي فوتسال جماعهسی 5:2 حسابیده غلبه قازاندی.
اوشبو اۉیینده سید مجتبی حسینی افغانستان شرَفینی حمایه قیلیب « هتریک » عملگه آشیردی، قالگن ایکّی گولنی اېسه حمیدرضا حسینی و رضا حسینپور کیریتیشدی.
افغانستان ملي فوتسال جماعهسی ایکّی کون آلدین بیرینچی دۉستانه اۉیینده هم ویتنامنی 5:3 حسابیده مغلوب اېتگن اېدی.
جماعه اعضالری اوشبو اۉییندن سۉنگ تایلندگه یۉل آلیشهدی و او یېرده ملي فوتسال جماعهسی بیلن ایکّی دۉستانه اۉیین اۉتکزیشهدی.
بو اۉیینلر آسیا ملتلر جامی اوچون تیارگرلیک مقصدیده تشکیل اېتیلگن بۉلیب، مسابقه بیر هفته ایچیده اندونیزیاده باشلنیشی رېجهلشتیریلگن.
