بیرلشگن ملتلر تشکیلاتی، 2026-ییلده افغانستانده 14،4 میلیون کیشی ساغلیقنی سقلش خدمتلریگه احتیاجی بۉلهدی.
بیرلشگن ملتلر تشکیلاتینینگ بشردوستانه یاردملرنی موافقلشتیریش ادارهسی (اوچا) 2026-ییلده افغانستانده 14،4 میلیون کیشی ساغلیقنی سقلش خدمتلریگه محتاج بۉلیشینی پېشبینلیک قیلگن.
اوچا پنجشنبه کونی، 9 دلو بیلدیرگن گزارشیده، اوشبو اهالینینگ 7،2 میلیون نفری یاردم بیلن قمرب آلینیشی رېجهلشتیریلهیاتگنینی معلوم قیلگن.
(اوچا) معلوماتیگه کۉره، اوشبو شخصلرنینگ 54 فایزینی بالهلر، ینه 24 فایزینی عیاللر تشکیل اېتهدی.
شونینگدېک، بو اداره قالگن 10 فایزنی معلوللیگی بۉلگن شخصلر تشکیل اېتیشینی قۉشیمچه قیلگن.
(اوچا)نینگ تأکیدلشیچه، مذکور احتیاجلرنی قاندیریش اوچون 190 میلیون امریکا دالریدن آرتیق مبلغ طلب اېتیلهدی.
معلوماتلرگه کۉره، افغانستانده قریب 22 میلیون کیشی بشردوستانه یاردمگه محتاج.
