قندهاردهگی محلي منبعلر بیر عایلهنینگ تۉرت اعضاسی اوی تامینینگ قولب توشیشی عاقبتیده اۉلگنینی معلوم قیلدی.
منبعلرگه کۉره، اوشبو حادثه تیناوون کېچه (جمعه،۱۰ دلو) قندهار ولایتینینگ دامان اولسواللیگی « غیبیکلاچه» منطقهسیده یوز بېرگن.
منبعلر حادثهگه کوچلی یاغینگرچیلیک و بنا نینگ اېسکیرگن حالتینی سبب صفتیده کۉرسهتگن.
طالباننینگ محلي رسميلری هم واقعهنی تصدیقلب، قربانلر آرهسیده بیر نفر کېکسه اېرکک و اوچ نفر باله بارلیگینی بیلدیرگن.
اۉتگن هفته هم ننگرهار ولایتیده بیر اوی تامینینگ قولب توشیشی نتیجهسیده بیر عایلهنینگ یېتّی اعضاسی حیاتدن کۉز یومگن اېدی.
منبعلرگه کۉره، بوندهی حادثهلر کۉپینچه اویلرنینگ اېسکیریشی، کوچلی یاغینگرچیلیک و زلزلهلر طفیلی یوز بېرماقده.
