جمعی خوفسیزلیک کېلیشووی تشکیلاتی اۉتگن کون دوشنبه ۱۳ – دلو، روسیهنینگ پایتختی مسکو شهریده بیر ییغین اۉتکزیب، افغانستاندن بۉلگن ترورچیلیک تهدیدلرنی تیکشیردی.
بو حقده نشر اېتیلگن خبرلرگه کۉره، مذکور ییغینده، افغانستان و تاجکستان چیگرهسیده یوز بېرگن سونگی ناتینچلیکلر خصوصیده خواطر بیلدیریلگن.
ایتیلیشیچه، مذکور تشکیلات بو تهدیدلر برابریده تاجکستاننی قوللب-قوتلش مقصدیده، بو مملکتگه حربی یاردم بېریشگه هم قرار قیلگن.
اوشبو قرار شوندی بیرحالده آلینماقده دیر که سونگی وقتلرده، افغانستان و تاجکستان چیگرهسیده جدی ناتینچلیکلر یوز بېردی.
بوندن ایلگری، افغانستان حدودیدن تاجکستانگه قرشی هجوم اویوشتیریلیب، بیر قنچه کیشی اینقسه چین وطنداشلری اۉلدیریلگن اېدی. بو هجوملر و ناتینچلیکلر دوامیده، نیچه کون ایلگری تاجکستان چیگرهسیده، بو مملکتگه مخدره مادهلرنی قاچاق اېتیشگه اورینگن افغانستان اوچ وطنداشی اۉلدیریلگنی هم خبر قیلیندی.
دیمک بو وضعیت، جمعی خوفسیزلیک کېلیشووی تشکیلاتی خواطریگه سبب بۉلیب، بو تشکیلات باش کاتبی تالاتبیک مسادیکوف، روسیه تشقی ایشلر وزیری سرگی لاوروف بیلن هم بۉلگن اوچرهشوویده محاکمه قیلگن.
نشر اېتیلگن خبرلر اساسیده، روسیه تشقی ایشلر وزیری هم افغانستاندن بۉلگن ترورچیلیک تهدیدلردن خواطر بیلدیریب، بو تهدیدلر اۉرته آسیا مملکتلریگه نسبتن دوام اېتهیاتکنینی تاکیدلگن.
