طالبان سۉزلاوچیسی ذبیح الله مجاهد، بیرلشکن ملتلر تشکیلاتی خوفسیزلیک کېنگشیده افغانستان حقیده بیلدیریلگن خواطرلرگه نسبتن مناسبت بیلدیریب، داعش افغانستانده یۉق اېتیلگن دېب ادعا قیلدی.
طالبان سۉزلاوچیسینینگ ادعا قیلیشیچه، داعش افغانستانده یۉق اېتیلگن بیراق قوشنی مملکتده یاشیرین مکانی بار دیر.
دیمک بیرلشکن ملتلر تشکیلاتی خوفسیزلیک کېنگشی ییغینیده، افغانستانده چیتایللیک ترورچی گروهلر موجودلیگی ینه بیربار خواطرلی بیان بۉلدی.
طالبان اېسه بو خواطرلرنی ناتۉغری دېب، اوشبو خواطرلر بیرلشکن ملتلر تشکیلاتیده افغانستان حضوری یۉقلیگیدن ناتۉغری فایدهلنیلگن حالده تیلگه آلینیشینی ادعا قیلدی.
ایتیش کېرهک که اۉتگن تۉرت ییل دوامیده، طالبان افغانستانده ترورچی گروهلر یۉق دېب ادعا قیلیب کېلماقده دیر. بیراق طالباننینگ بو سۉزلری حاضرگچه دنیا مملکتلری رضایتنی آلگن اېمس.
عینی حالده، اۉتگن تۉرت ییل دوامیده داعش گروهی تامانیدن افغانستان تورلی حدودلریده بیر قنچه قانلی هجوملر هم اویوشتیریلگن. اوشبو حرکتلر دوامیده یقینده کابلنینگ شهرنو حدودیده چین وطنداشلریگه قرشی هجوم اویوشتیریلگن اېدی.
