پاکستاننینگ پایتختی اسلام آباد شهریدهگی شیعهلرگه تېگیشلی بیر مسجدده قانلی پارتلش اویوشتیریلگنی آرتیدن، بو مملکت مدافعه وزیری خواجه محمدآصف، بو هجومنی اویوشتیرگن شخص افغانستانگه باریب کېلگنینی ادعا قیلدی.
عینی حالده پاکستان مدافعه وزیری، شو سبب بو هجوم آرتیده طالبان و هندوستان قۉلی بارلیگی ممکن دېب تیلگه آلگن.
پاکستان مدافعه وزیرینینگ بو بیاناتیگه نسبتن، طالبان مدافعه وزیرلیگی بیر بیانات نشر قیلیب، مناسبت بیلدیردی.
طالبان مدافعه وزیرلیگی، پاکستان مدافعه وزیری بو ادعاسینی ناتۉغری دېب، پاکستان حکومتی هیچ قندهی بیر تدقیقات بۉلینمهگن حالده بو ادعانی تیلگه آلگنینی تاکیدلگن.
ایتیش کېرهک که تۉرت ییلدن بویان، پاکستانده خوفسیزلیک وضعیت یامانلشیشی بیلن بیرگه بو مملکت، اوشبو وضعیت آرتیده طالبان بارلیگینی تاکیدلب کېلماقده دیر و بو مساله طالبان و پاکستان اۉرتهسیده جدی تارتیشوولرنی اۉرتهگه آلیب کېلگن.
