امریکا قۉشمه ایالتلری حربی کوچلرینینگ اعلام قیلیشیچه بو کوچلر تامانیدن کارائیب دېنگیزیده ینه بیربار هجوم اویوشتیریلگن.
بو حقده نشر اېتیلگن معلوماتگه کۉره، اوشبو هجوم نتیجهسیده بیر قایقنینگ اوچ یۉلاوچیسی جان بېرگن.
امریکا قۉشمه ایالتلری حربی کوچلری، اوشبو هجومده مخدره مادهلر قاچاقچیلری نشان آلینگنینی هم معلوم قیلگن.
ایتیش کېرهک که سۉنگی بیر ییل ایچیده، امریکانینگ اوشبو دېنگیزدهگی هجوملری جدیلشیب بو مملکت تامانیدن میلادی ۲۰۲۵-ییل دوامیده اویوشتیریلگن هجوملر نتیجهسیده ۱۳۰ دن آرتیق کیشی جان بېرگن.
امریکانینگ ادعا قیلیشیچه، کارائیب دېنگیزی آرقهلی بو مملکتگه مخدره ماده قاچاق اېتیلهدی.
ایتیش کېرهک که امریکا، ونزویلادهگی حربی عملیاتی و بو مملکت جمهور باشلیغی نیکولاس مادورو حبسگه آلگنیدن کېین کارائیب دېنگیزیده هجوملرینی آزهیتیرگن.
