امریکا قۉشمه ایالتلری جمهور باشلیغینینگ مخصوص وکیلی استیو ویتکاف، کېلهسی اوچ هفته دوامیده اوکراین و روسیه وکیللرینینگ نوبتدهگی مذاکرهسی اۉتکزیلیشی ممکنلیگیدن خبر بېردی.
روسیهنینگ تاس یېتکیرمهسی تامانیدن نشر اېتیلگن خبرگه کۉره، ویتکاف بو مسالهنی اۉتکزگن تلویزیونی صحبتلریدن بیریده تیلگه آلگن.
شونینگدېک دونالد ترامپ مخصوص وکیلی بو دور مذاکرهلر، روسیه جمهور باشلیغی ولادیمیر پوتین و اوکراین جمهور باشلیغی ولادیمیر زیلینسکی اۉرتهسیده اوچرهشوو اۉتکزیلیشی اوچون شرایط یرهتیشیگه هم امید بیلدیرگن.
ایتیش کېرهک که بوندن ایلگری، روسیه جمهور باشلیغی اوکراین دولت رهبری بیلن اوچرهشوو اۉتکزیشگه تیار بۉلمهگن اېدی.
بو شوندی بیرحالده دیر که اخیرگی کونلر ایچیده ینه بیربار روسیه و اوکراین اوروشلری جدیلشگن.
