اۉزبېکستان جمهور باشلیغی شوکت میرضیایف، بو مملکتنینگ سرخان-دریا ولایتیگه سفر قیلیب، امام ترمذی قبریدن زیارت قیلدی.
اۉزبېکستان جمهورلیک ریاست مطبوعاتی خذمتی تامانیدن نشر اېتیلگن معلوماتگه کۉره، میرضیایف بو سفری دایرهسیده دین عالملری بیلن اوچرهشیب، امام ترمذینینگ معنوی میراثی چوقور اۉرگنیلیشی همده دنیا بۉیلب یخشیلب ترغیب اېتیلیشیگه تاکید قیلگن.
بو حقده اۉزبېک جمهورلیک ریاست مطبوعاتی خذمتی بیاناتیده، شوکت میرضیایف اۉزبېکستاننینگ ینگی اولادی مقدس دین فضیلتلری و ملی قدریتلری اساسیده تربیهلنیشینی تاکیدلگن.
اوشبو بیاناتده کېلیشیچه «مقدس دینیمیز ایزگولیک و انسانپرورلیک، مهر-شفقت کبی بویوک فضیلتلری، ملی قدریتلریمیزنی اسرهب-اوهیلش همده رواجلنتیریش، شو اساسده ینگی اولادنینگ ایزگو غایهلر اساسیده تربیهلش اۉز قلبیده وطنگه محبت و صداقت تویغوسینی ینه-ده کوچهیتیریش ضرورلیگینی تاکیدلدی.»
شونینگدېک اۉزبېکستان جمهور باشلیغی اسلام دینینینگ بو بویوک عالمی مقبرهسی ینه-ده آباد اېتیلیشی و بو مجموعهنی زیارت قیلیش اوچون کېلگن زیارتچیلرگه کۉپراق شرایط یرهتیلیشگه بویروق بېرگن.
