طالبان مدافعه وزیرلیگینینگ سۉزلاوچیسی عنایتالله خوارزمی تامانیدن نشر اېتیلگن معلوماتده ادعا اېتیلیشیچه، اۉتگن کېچه پاکستان حربیلریدن ۳۲ کیشی اۉلدیریلگن.
شونینگدېک خوارزمی اۉزینینگ ایکس صحیفهسیده نشر قیلگن معلوماتیده ینه اۉنلب کیشی یرهلنگنینی هم ادعا قیلگن.
طالبان ادعاسی اساسیده، اۉتگن کېچه پاکستاننینگ بیر قنچه حربی امکانیتلری هم یۉق اېتیلگن.
عین حالده، اۉتگن کېچه پاکستان تامانیدن ننگرهار، قندهار، پکتیا و خوست ولایتلریده کېنگ کۉلمده هجوملر عملگه آشیریلگن.
طالبان سۉزلاوچیسی اۉرین باسری حمدالله فطرت اوشبو هجوملر نتیجهسیده بیر عیال شامل اوچ کیشی جان بېرگن.
شونینگدېک طالبان پاکستاننینگ بو هجوملری نتیجهسیده ینه ایکّی کیشی یرهلنگنینی هم معلوم قیلگن.
ایتیش کېرهک که طالبان پاکستان هجوملری نتیجهسیده بو گروه جنگریلری اۉلیمی حقیده تۉلیق تفصیلات نشر قیلگن اېمس.
