افغانستاننینگ شمال و شمالشرقی حدودلریده جایلهشگن تورلی منطقهلردن بیر قنچه منبعلرنینگ اۉزبېک تیوی گه تصدیقلشیچه، بو ولایتلردن پاکستانگه قرشی اوروش اوچون آدملرنی ییغیش جریانی باشلنگن.
معلوماتگه کۉره، طالبان اۉز عسکرلریگه قۉشیمچه عادی اهالینی هم اوروشگه باریش اوچون ترغیب اېتماقده دیر.
بو حقده اۉزبېک تیوی بیلن صحبتده بۉلگن منبعلرنینگ معلوماتی اساسیده، بو جریان اۉزبېکلر یشاوچی تورلی حدودلرده باشلنگن و طالبان اوروشگه اشتراک اېتگن آدملرگه کتته پول بېریلهدی دېب ساخته ترغیباتلرنی هم یۉلگه تشلهگن.
شونینگدېک منبعلر اخیرگی کونلر ایچیده بیر قنچه آدملر طالبان تامانیدن جبری یا -ده بو گروه بېرگن وعدهلریگه ذوقلنیب اوروش تامان یوباریلماقده.
ایتیش کېرهک که طالبان آلتی کوندن بېری پاکستان بیلن اوروشده و بو اوروش دوامیده افغانستان شمالی ولایتلری اهالیسی اینیقسه اۉزبېک یاش-ییگیتلرنی جلب اېتیش اوچون کېنگ حرکتلرنی باشلهگن.
