بیرلشگن ملتلر تشکیلاتینینگ تورلی ادارهلری افغانستان و پاکستان چېگره حدودلریده طالبان و پاکستان اۉرتهسیده تۉقنهشوولر و کېسکینلیکلر جدیلشگنیدن خواطر بیلدیردی.
بیرلشگن ملتلر تشکیلاتی چوکاتیده فعال، جهان آزیق-آوقت دستوری همده قاچقینلر بۉییچه عالی کمیسارلیگی علیحده نشر قیلگن بیاناتلریده، پاکستان و طالبان اوروشی جدیلششی عاقبتلریدن آگاهلنتیرگن.
جهان آزیق-آوقت دستورینینگ اعلام قیلیشیچه، چېگره حدودلرده اوروش و تۉقنهشوولر انسانی وضعیت ینه-ده آغیرلشیگه سبب بۉلگن.
اوشبو تشکیلات شونینگدېک، آزیق-آوقت تنقیصلیگی بیلن دوچ اهالی ینه-ده آغیر شرایطده توشیب قالگنینی معلوم قیلگن.
عینی حالده بیرلشگن ملتلر تشکیلاتینینگ قاچقینلر بۉییچه عالی کمیسارلیگی هم ترقتگن بیاناتیده بو حقده اۉز خواطرینی شریک قیلگن.
اوشبو تشکیلات، اوروش و تۉقنهشوولر افغانستانگه قیتیب کېلهیاتگن مهاجرلرنی تاثیرلنتیرگنیدن خبر بېرگن.
ایتیش کېرهک که پاکستان و طالبان اۉرتهسیدهگی تۉقنهشوو یقین بیر هفتهدن بیری دوام اېتماقده دیر و حاضرگچه قچان و قندهی توگهشی بېللی اېمس.
اوشبو تۉقنهشوولر عاقبتیده حاضرگچه ایکّی تاماندن یوزلب آدم اۉلیب و یرهلنگن.
