طالبان تشقی ایشلر وزیری امیرخان متقی، افغانستانده چین اېلچیسی جاوشینگ بیلن اوچرهشدی
طالبان تشقی ایشلر وزیرلیگی تامانیدن نشر اېتیلگن بیاناتگه کۉره، اوشبو اوچرهشووده ایکّی تامانلمه مناسبتلر، منطقهده دوام اېتهیاتگن وضعیت و طالبان و پاکستان اۉرتهسیدهگی تۉقنهشوولر حقیده فکر المشتیریلگن.
طالبان تشقی ایشلر وزیری، پاکستاننینگ افغانستانگه قرشی هجوملرینی تنقید قیلیب، بو هجوملر ایکّی تامانلمه مناسبتلرنی زیانلنتیریش و منطقه برقرارلیگی اوچون سلبی تاثیر کۉرسهتیشینی تیلگه آلگن.
شونینگدېک چین اېلچیسی مذکور تۉقنهشوولرگه سۉزلشوو یۉللری آرقهلی یېچیم تاپیلیشینی تاکیدلب، بو وضعیت منطقه اوچون سلبی تاثیر آلیب کېلیشیدن آگاهلنتیرگن.
چین ایلچیسی همده منطقهده نابرقرارلیک یرهتیلیشی اوچون بیر قنچه خارجی عامللر سعیوحرکت قیلیب تورگنینی هم ادعا قیلگن.
ایتیش کېرهک که طالبان و پاکستان اۉرتهسیده بیر هفتهدن بېری کېنگ تۉقنهشوولر دوام اېتماقده و بو ایکّی تامان بیلن هم یخشی مناسبتده بۉلگن چین حاضرگچه تۉقنهشوولر یکونلنیشی اوچون عملی حرکتلر قیلگن اېمس.
