بیرلشگن ملتلر تشکیلاتی ینه بیربار طالبان و پاکستان اۉرتهسیده دوام اېتهیاتگن اوروش و تۉقنهشوولرده عادی اهالی جانی سقلنیشی اوچون اعتبار قرهتیلیشی ضرور دېب تاکیدلدی.
بیرلشگن ملتلر تشکیلاتی باش کاتبینینگ سۉزلاوچیسی استفان دوجاریک اۉتکزگن خبری بیر ییغینده ایتیشیچه، اوروشده عادی اهالی قربان بۉلگنی ایتیلماقده دیر.
عینی حالده بیرلشگن ملتلر تشکیلاتی باش کاتبینینگ سۉزلاوچیسی اوروش تامانلریدن عادی اهالی حیاتی و اولرگه تېگیشلی انشااتلر سقلنیشی اوچون اعتبار قرهتیشلرینی طلب قیلدی.
شو بیلن بیرگه بیرلشگن ملتلر تشکیلاتی بیر بیانات هم نشر قیلیب، خودی شو طلبنی بیان قیلگن.
بیرلشگن ملتلر تشکیلاتی بیاناتیده، اطلاعاتگه قۉل تاپیش شرایطی بۉلمهگنی سبب حاضرگچه عادی اهالی قربانلیکلری انیق رقمی بیللی اېمس دېب معلوم قیلینگن.
