طالبان ساغلیقنی سقلش وزیرلیگی بوگون پنجشنبه ۱۴ – حوت، نشر قیلگن معلوماتیگه کۉره، سمنگان ولایتیده بیر ساغلیق مرکزی فایدهلنیشگه تاپشیریلگن.
بو حقده نشر اېتیلگن بیانات اساسیده، اوشبو مرکز ناروی حکومتینینگ مالی یاردمیده و موسسهلردن بیری تامانیدن قوریلیب، فایدهلنیشگه تاپشیریلگن.
دېمک اوشبو مرکز بیرینچی ساغلیق خذمتلرینی ترقهتیش مقصدیده، سمنگان ولایتی مرکزی آیبیک شهریگه قرهشلی «رباتک» حدودیده قوریلیب، فایدهلنیشگه تاپشیریلگن.
طالبان ساغلیقنی سقلش وزیرلیگی اوشبو مرکز فایدهلنیشگه تاپشیریلیشی بیلن ۱۸ مینگ کیشی ساغلیق خذمتلریگه اېریشیش شرایطیگه اېگه بۉلیشلرینی معلوم قیلدی.
ایتیلیشیچه بو مرکز قوریلیشی اوچون ایکّی میلیون افغانی بودجه صرفلنگن.
ایتیش کېرهک که اخیرگی ییللر دوامیده، افغانستانده ساغلیق خذمتلرینی ترقهتیش ساحهسی جدی معمالر و بودجه آزلیگی بیلن دوچ بۉلیب قالگنی حقیده خبرلر ترقهتیلگن.
شونینگدېک، افغانستاننینگ آلیس حدودلری اهالیسی یېترلی ساغلیق خذمتلریگه قۉل تاپمسلیگی اوزاق ییللردن بېری جدی بیر معما اولهراق دوام اېتیب کېلماقده
